اسرح فى الملكوت
لسّه الشمس بتطلع !
لسه الورد بيفتح
لسّه الكون شغال !
لا وقف الطير محتار
ولا موج البحر اندار !
لسه الكون شغّال !
لا ورد بخل بجمال
ولا نحل قال
ده محال
لسّه الكون شغّال !
طب – ليه أنا
واقف وحزين ؟
ليه تهرب منى سنين ؟
حابس عيونى فى دمعة !
والنفس شايفه وسامعه :
" لسّه الكون شغّال !"
وانا ليه ساكت وبعيد ؟
عمّال أقول وأعيد !
م اسرح
فى الملكوت
وما اسيب العمر يفوت !
م ازرع بإيدى ورود أسقيها
أمل ووعود ؟
و لسّه الكون شغّال !
ليست هناك تعليقات:
إرسال تعليق